Греко-римской бороцямонь коряс Мордовиянь первенствась ютавтови Саранскойсэ ожоковонь 26-27-це читнестэ. Кода пачтить анокстыцятне, турнирэнь участникекс кармить весе республикастонть сехте виев од спортсментнэ. Ламотнень туртов-те шка яволявтомс эсь прядонть, топавтомс разрядонть ды понгомс сборноентень весероссиянь старттнэс. Пелькстамотне ютыть Алексей Мишин лемсэ олимпийской резервень спортонь школасонть. Совамось питневтеме.

Сундерьковонь 3-це чистэ саезь 12-це чис Россиянь Федерациянь весе субъекттнэсэ ды омбомасторонь мастортнэсэ юты «Этнографиянь покш диктант» раськеютконь тонавтомань XI-це акциясь. Этнографиянь покш диктантось-те просветительской проект, конась содавты Россиясо эриця раськетнень культураст марто, истя жо лезды максомс питне этнокультурной грамотностень вейсэнь уровнянтень. 2026 иесь яволявтозь Россиянь раськетнень вейсэндявомань иекс, масторонь весе этнической группатнень ютксо раськетнень […]

Ожоковонь 24-це чистэ Саранскойсэ ютавтови «Шумбрат» пильгеоскань клубонть те сезонсонть меельце кудонь налксемась. Мордовиянь команданть каршо карми налксеме  турнирэнь таблицань лидертнэстэ вейкесь «Волна» командась Нижней Новгородсто. Билеттнэнь мереви рамамс уш ней онлайн. Сисем иес эйкакштнень туртов стадиононтень ютамось питневтеме тетятнень-аватнень марто. Ледстян, «Шумбрат» Футболонь клубось ней ашти 7-це  таркасо. Сонзэ  активсэ-45 очкат.