Ожоковонь 24-це чистэ Саранскойсэ ютавтови «Шумбрат» пильгеоскань клубонть те сезонсонть меельце кудонь налксемась. Мордовиянь команданть каршо карми налксеме  турнирэнь таблицань лидертнэстэ вейкесь «Волна» командась Нижней Новгородсто. Билеттнэнь мереви рамамс уш ней онлайн. Сисем иес эйкакштнень туртов стадиононтень ютамось питневтеме тетятнень-аватнень марто. Ледстян, «Шумбрат» Футболонь клубось ней ашти 7-це  таркасо. Сонзэ  активсэ-45 очкат.

Мордовиясо «Земский работник культуры» программань участникекс кармасть комсь вете специалистт. Кода пачти МР-нь Минкультнацось, сынь састь важодеме райононь эйкакшонь искусствань школатнес ды культурань кудотнес. Эрьванть удало — эсензэ история, профессия, опыт ды эсь тевентень вечкема. Кие — бути тонавты эйкакштнень музыкас ды вокалс, кие-бути яви мель хореографиянтень, кие-бути важоди гайтенть эли раськень шкинеманть марто. «Земский […]

Ставрополень опереттань государственной театрась сы Саранскоев «Покш гастролев». Мордовиянь Минкультнацонть пачтямонзо коряс, невтематне ютавтовить ожоковонь 16-18-це читнестэ И.М. Яушев лемсэ театрань сценанть лангсо. Ваныцятнень учи эрьва кодамо жанрань путовкссто сюпав программа. Программасонть: «Дуэль» исторической драмась, «Летучая мышь» опереттась, «Собака на сене» ды «Проделки Ханумы» комедиятне, «Летучий корабль» ёвксось.