Темнику аймаксь сатозе «Маршрут года» казнеть

Саранскяйса ётась «Маршрут года» сембе Россиянь премиясь. Примасть участия 442 пялькстыхть Россиянь 62 аймакста. Мордовиянь оцюнять тевонзон тииец Артём Здунов китькстазе, кода эряви тя илась регионца туризмать касфтоманцты. «Смольный» национальнай заповедниксь «Заповедная Мордовия» маршрутонц мархта сяськсь Гран-при.
Тяда башка, Заповедниксь тись нинге фкя маршрут, лемоц «Семейный», кона сявозе омбоце вастть «Лучший маршрут выходного дня» номинацияса. Тяфта же Темнику аймаконь туристонь центрась няфтсь нинге кафта проектт-сяськихть. Васенце васттнень эсь номинациясост сявозь гастрономическяй и идень маршруттне.

Фото: e-mordovia