Мордовиянь национальной радиось Мордовиянь национальнай радиось


Саранскоень кудо икелькстнэ онкстыть виест «Экодвор» лементь кис

Панжиковонь 15-це чистэ саезь ды аштемковонь 5-це чис Саранскойсэ юты «Экодвор» пелькстамось. Сонзэ теицязо – «ЭКА» Россиянь Пиже молемань региононь отделениясь. Пелькстамонть коряс, вейке кудонь эрицятненень эряви вейсэндямс 2 тарготнень перть пурнамс аэрявикс конев ды оршамопель, пластикень бутулкат, батарейкат.

Эрьва пелькстыця кудонтень, кона теинзе весе яволявтозь текштнэнь, карми максозь сертификат, конанть коряс сексня кармить максозь вишка пичинеть.

А се кудонтень, кона кочки сехте ламо картон ды пластикень бутулкат, явить оште питней казне.

Тенде башка, ошонь эрицятненень мереви пельктамс «Экодвор» акциясо ськамосткак. Тенень эряви пурнамс весементь эрявиксэнть #разделяйснамидома марафонсо ды путомс фотографият социальной вейспурнавкстнесэ те хештегенть ало. Эрьвантень сексня максыть озавтоманть туртов 10 вишка пичинеть.

Акциясь юты Саранскоень весе кудоикелькстнесэ. Сонзэ потсо теицятне ютавтыть эрьва кодат мастер-класст, эколекторийть, пелькстамот.

Кинь ули мелезэ онкстамс вийтнень акциясо, сенень эряви кучомс эсь адресэнть ды координататнень vk.com/arshinova_yulia «ВКонтакте» вейспурнавкссо кулялопантень.

Весементь эряви кенеремс теемс панжиковонь 31-це чис. Весемеде седе домкасто ловнодо Саранскоень ошонь администрациянь кулялопасо «ВКонтакте» вейспурнавкссо.

Фотографиясь: https://vk.com/saranskadm

Тов

Другие новости

И.Д.Воронинонь лемса краеведениянь музейсь аноклай питнефтома экскурсият сире ломаттненди

И.Д.Воронинонь лемса краеведениянь музейсь сире ломанень месячникть видеса октябрьста аноклай акция, лемоц «Молоды душой и сердцем». Эрь недлять шуваланяста (четвергста) 15 частса ...

Мордовиянь шахматисттнэ лиссть раськеютконь турнирэнь финалс

Саранскоень 7-це лицейсэ тонавтницятне ютасть «Белая ладья» шахматань коряс Раськеютконь пелькстамос. Турнирэнь икельце эскелькстнесэ сынь онкстасть виест Мордовиянть пельде ...