Мордовиянь национальной радиось Мордовиянь национальнай радиось


Саранскоень ветеранэсь понгсь "Книга о героях" проектэнтень

Ине войнасо изнямонь 75 иетненень Россиянь почтань Од ломанень промксось яволявтсь мель нолдамс геройде книга. Изданиясонть кармить пурназь архивень материалт, фотографият ды ледстнемат седе, кода важодсь почтась войнань шкасто. Весемезэ, книгасонть 82 лопат - зняро, зяро Россиясо федеральной почтовой связень управленият. Проектэнть ушодкссо изданиянь лопатне ульнесть чавот. Седе тов ветерантнэ ды сынст раськест эсь кедьсэ кармасть сермадомо войнадо ледстнемат. Эсь кинзэ книгась ушодызе таштамковсто Дальний Востоксто. Седе тов - ульнесь Сибирьсэ, Уралсэ ды вана ней пачкодсь Мордовияв.

Книгань геройтнень юткс понгсь Саранскоень эрицясь Татьяна Васильевна Орешкина. Сон ушодсь важодеме почтасо 8-це классонть прядомадо мейле ды  роботась тосо 50 иеть.

Мордовиядо мейле «Книга о героях» проектэсь туи Самарав. Прядови весемесь Москов ошсо чадыковсто. Седе тов  книгась карми ванстовомо прявт ошонь Почтань музейсэ.

Фото: izvmor.ru

Тов

Другие новости

Мордовиясо мекев мереви урьвакстомс

Аштемковонь 2-це чистэ саезь минек республикасо мереви уьвакстомс. ЗАГСов кармить нолдамо ансяк одирьванть ды алужонть. Инжеть – арась!

Россиянь больницятнев сы короновирусто вадря препарат

Аштемковонь 11-це чистэ ормань менстямонь кудотнева появи СOVID-19 вирусто лекарства. Минздравсо тешкстызь коронавирусто минек маторонь «Авифавир» препаратонть. Панжиковонь 29-це ...