Мордовиянь национальной радиось Мордовиянь национальнай радиось

Саранск:0°

вечером: 0° завтра: 0°



Венгрияса ётась кизонь университет Хунгарологиять коряс

24 июньцта сявомок и сисемце июльс Венгрияса ётасть курст, конат марстоптозь Россиянь сембе финно-угрань нароттнень. Бадачонтомай уженять эса ётафневи кизонь университет Хунгарологиять коряс Collegium Fenno-Ugricum институтть видеса. Курснень вятисна- народъётконь содаф ученайсь, финноугроведсь Янош Пустаи. Тонафнемась кочказень финно-угратнень Удмуртияста,  Комиста, и Марий Элста, и Карелияста и Мордовияста. Мокшэрзянь масторста венгрань кяльть и культурать тонафнема састь колма студетт Мордовскяй государственнай университетста: Оксана Белкинась, Ирина Жадяевась и Алеся Клементьевась. 

мон улень тя курснень эса, ёран азомс сюкпря профессорти и сембонди, кие аноклазе и ётафтозе кизонь университетть. Тонафнембачк минь ламода араме содавиксокс Венгриять историянц, культуранц, литературанц мархта, а тяфта жа кяльть.

Ётка пингста якаме эшеляма Балатон эрьхкти, кона минь эряма вастоньконь эзда ёфси аф ичкозе. Арнеме Будапешту- масторть пряошенцты. И сембе тя пингть улеме марса финно-угра ялганьконь мархта, конат састь Удмуртияста, Комиста, Карелияста, Марий Элста. Мон, кода филологиянь факультетонь студентка и радионь корреспондент, пяк лама сявонь эсьтейне тя кафта недлятнень эзда. Васенцекс- эряви ванфтомс эсь шачема кяльцень эса. Сон юмси.. ужяленди, но тя тяфта. Аф кармай кяльсь, аф кармай и сонць народсь эсь культуранц мархта. Энельдян ванфтомс мокшень эрзянь кяльхнень эса . Кие, кда аф минь?

Тов

Другие новости

Эряк, тядянь-алянь кяль

Ведьгемонть маласа шабада Мордовияста и лия Россиянь уженяста кочкавсть «Сивинь» пчкафтомань лагерьса, кона ащи Краснослободскяй районца. Школьникне Татарстанста, Владимирскяй, ...

"Волга - река мира" экспедициясь-фестивальсь

15 июльста сявомок 18-цес ётнесь «Волга река мира. Диалог культур волжских народов» кемгафксувоце народъётконь экспедициясь-фестивальсь. Коень коряс сон моли Поволжьянь ошнень пачк. ...