Мордовиянь национальной радиось Мордовиянь национальнай радиось

Саранск:-8°

вечером: -9° завтра: -3°



Саранскяйса ётафтовсь футболса налхкомань коряс Марнек Россиянь кубкась

22 – це июльста  Саранскяень «Старт» стадионца ётафтовсь мини – футболса налхкомань  коряс Марнек Россиянь кубкась. Налхкома и няфтема эсь маштомашиснон сашендсть полгат Москуста, Пензаста,  Ульяновскяйста, Нижняй Новгородста, Чебоксары ошста, а тяфта жа Саранскяйста и сембоц Мордовиянь райоттнень эзда. Футболса налхкомань полгада ульсь 23, а налхкида пуромкшнесь 250 ломань.  Аноклаекс арась «Россиянь идень фондть» Мордовияса пяльсонц вятиец: В.Ю.Цыбезов. Пялькстоматне мольфтевсть  колма лигава: сембода виихне (А- лигась), виихне (Б- лигась )и шабань налхкомань лигась. Шабань налхкомась лигать эса  сяськиекс арась «Рузаевка» ФК-сь (Рузаевка райононь полгась), омбоце вастсь - «Белозерье» ФК-сь, комоце вастть сатозе  «Инсар» ФК-сь  (Инсараста). Сембода цебярь налхкиекс арась Дербеденев Максим (Инсарань командать эзда). Б – лигаса  сяськиекс арась  «Пересвет» ФК-сь (Пензаста), омбоце вастть сатозе «Самаевка» ФК-сь  (Ковылкинань районцта), колмоце вастть инкса пяльстасть паксять лангса и налхксть фкя – фкянь мархта   «Краснослободск» ФК-сь (Краснослободскяйста) и «Хамовники» ФК-сь (Москуста). Сяськсть Краснослободскяень командась. Сембода цебярь налхкиекс арась Дворянинов Вячеслав «Пересвет» ФК-ста (Пензаста). А-лигать эса сяськиекс арась «Газпром Межрегионгаз» ФК-сь Саранскяйста, омбоце вастть сатозе  «Спартак» ФК-сь Ковылкинаста, колмоце вастть сатозе «Торбеево»  ФК-сь (Торбееваста). Сембода пара налхкись Поздняков Михаил (Ковылкинаста).

Тов

Другие новости

Шумбрачинь витемга!

Даволковонь 10-це чистэ карми ютамо  «Лыжня России – 2018». Те пелькстамось ютавтови аволь ансяк одтнэнь туртов, тердевить седе покштнэяк, сыре ломантнеяк. Петр Тултаевень ...

«Норовава», гайгть масторонь келес!

«Норовава» - истя мазыйстэ лемдязь Ташто Турдаки велень фольклорной ансамблясь. Сонзэ пурнызь Кочкуровань аватне  "Шумбрат, Финно-Угрия!" содавикс кенярксчинтень. Кемень иеть, ...