Мордовиянь национальной радиось Мордовиянь национальнай радиось

Саранск:-8°

вечером: -9° завтра: -3°



Кельвин Джексон американь цёрась тонафни мокшень кяль Саранскяйса

Мордовияв, мокшень кялень тонафнема, сась американь цёрась Кельвин Джексон. Шачсь - кассь цёрась Мичиган штатса, США-са.  Меле магистратурав тонафнема мольсь Суоми мастору, Турку ошу. Тядде, февраль ковста, Туркуса мольфтевсть мокшень кялень тонафнемань курсат. Тоса Кельвин васенцеда марязе кода кайги мокшень кяльсь. Кельвинти сяшкава тусь мялезонза кяленьке, нльне срхкась и сась Мордовияв, Саранскяи, тонафнеманза. Тяниень пингть Кельвин тонафни Огаревонь лемса университетть видеса.  Лезды теенза  филологиянь наукань кандидатсь Кабаева Надежда Федоровна. Кельвин сатомшка курокста  тонадсь корхтама и эрь шить содамошинза  коль касыхть. Эряви тага азомс, што мокшень кяльда башка сон корхтай  лац суоминь, удмуртонь,  рузонь, арабонь,  испанонь,  французонь, немецень кяльса, и тага содай мзярошка кяль.  Кельвинонь валонзон коряс, мокшень кяльть эса лама падежда, но тя аф сяшкава стака тевсь  тонадомсот. И салаваши кялень  тонафнемаса кодамовок аш – мокшень кяльсь сяда курокста тонадови Мордовияса, коса ломаттне содасазь и пара мяльса корхтайхть эсь шачема кяльсост.

Тов

Другие новости

Шумбрачинь витемга!

Даволковонь 10-це чистэ карми ютамо  «Лыжня России – 2018». Те пелькстамось ютавтови аволь ансяк одтнэнь туртов, тердевить седе покштнэяк, сыре ломантнеяк. Петр Тултаевень ...

«Норовава», гайгть масторонь келес!

«Норовава» - истя мазыйстэ лемдязь Ташто Турдаки велень фольклорной ансамблясь. Сонзэ пурнызь Кочкуровань аватне  "Шумбрат, Финно-Угрия!" содавикс кенярксчинтень. Кемень иеть, ...