Мордовиянь национальной радиось Мордовиянь национальнай радиось

Саранск:-2°

вечером: -2° завтра: 0°



"Вайгель" Саранск ошень 37 - це школаса

"Вайгель"сь якась инжикс Саранск ошень 37 - це школати, коса  ётафтовсь васедема омбоце классонь тонафнихнень мархта.  Тонафнихненди азонтфоль радиваса покодемать колга, няфтевсь презентация, кона тусь мяль шабатненди. Тяда меле шабатне ёрасть эсь эздостка няфтемс,  кода синь тонафнесазь  мокшень кяльть школаса,  лувсть пара мяльса валморот, няфтемс пря лувомаса ёрась эрь тонафнись.  Морасть валмора Мордовиять колга, Саранск ошти  кельгомать колга. Эряви азомс, што тонафтысна  - Митракова Лариса Михайловна путы лама вий мокшень кялень тонафтомати,  мялень салазь ётафнесы эрь урокть, штоба сон улель шарькодевикс и мяляфтовикс эрь тонафнити. Синць шабатне пшкядсть, што кельгома тевокс урокса теест  ащи од валонь тонафнемаське. Вайгель радиопередачась арьси сяда мельдень сатфкс Митракова Лариса Михайловнати покодемаса, а шабатненди арьси сяда мелевок  тонафнемс мокшень и эрзянь кяльхнень, койхнень. обуцятнень, содамс Мордовиянь содавикс ломаттнень.  Китькстама, што урокста шабатне кизефтезь, мзярда оду «Вайгель» сай инжикс, штоба тага лувомс од валморот мокшень кяльса, а меле кулхцондомс эфиру лисематнень.  Од васедемас, ялгат!

Тов

Другие новости

Саранскяйса кармайхть налхкома шахматса

Кемготувоце декабрьста сявомок кевейхксыецети самс  Саранскяйса  ётафтови  «Валдо Кече»  шахматонь турнись..  Эсонза няфтьсазь шахматса налхкомань ...

Налкси Россиянь КВН-сэ

Седеезэть мельспаро, зярдо неят покш экрансто эли минек масторонь телевидениянь каналтнэстэ содазь ломань. Ды аволь кодамояк минень-сюнонь «муськевтиця» передачасто – КВН-нь ...