Мордовиянь национальной радиось Мордовиянь национальнай радиось

Саранск:0°

вечером: 0° завтра: 0°



Вастовома

Вастовома

Ульяновск ошсо ютась эрзянь ды мокшонь од ломанень омбоце Форум. Промксонть ютавты Ульяновской областень Эрзянь ды мокшонь национально-культурной автономиясь, конань прявтсо В.А.Софонов. Минек шабра ёнкссонть эрить ламо эрзят ды мокшот. Тесэнь школатнесэ ветяви тиринь келесь ды литературась. Бути ваномс лия ёнкстнэнь лангс, косо истя жо эрить эрзятне, Ульяновскоень областьсэ парсте ладязь келень тонавтомась, паро сюлмот кемекстазь Мордовиянть марто. Малав эрьва районсонть улить автономиянь филиалт, косо раськень тевтнень коряс ветяви важодема.  Ульяновск ошсо аволь умок ютасть эрзянь ды мокшонь культурань читне, конатне келейстэ тешкставсть ды алтазельть А.Ф.Юртовнень. Ней – Од ломанень форум. Сон мольсь Книгань кудосо – областень В.И.Ленинэнь лемсэ научной библиотекасо. Лембе вал марто пурнавозтненень пшкадсть Ульяновской областень Губернаторонь Администрациянь внутренней политикань управлениянь прявтось С.В.Паховский, Эрзянь ды мокшонь раськень регионъютконь общественной вейсэндявксонь прявтось, раськень тевтнень коряс федеральной агентствань советэнь членэсь Ю.А.Мишанин, А.С.Пушкинэнь лемсэ Национальной библиотекань прявтось А.В.Бакулина. 

Т.Маторкина

Тов

Другие новости

Стихотворениянь сборник мокшэрзянь художникть творчестванц колга

28 июньцт 14 ч. 30 м. С.Д. Эрьзянь лемса музейса главнай корпусса  Лидия Дмитриевна Сюсина ётафты презентация «Наедине с Сычковым» стихонь книганц колга. Илась аноклави ...

15 регионсто синхронисткатне онкстасызь виест медаль кисэ Саранскойсэ

15 регионсто синхронисткатне онкстасызь виест медальтнень кисэ Саранскойсэ. Мордовиянь прявт ошсо юты синхронной уйнемань коряс Россиянь тонавтницятнень ютксо кизэнь IX Спартакиадань ...