Мордовиянь национальной радиось Мордовиянь национальнай радиось

Саранск:13°

вечером: 12° завтра: 23°



Анатолий Тяпаевонди - вейхксогемонь!

          Ня шитнень республикасонк ётафневихть эрь кодама мероприятият, конат ладяфт Мордовиянь Народонь сёрмадыть Анатолий Тяпаевонь вейхксогемонь кизонцты. А. С. Пушкинонь лемса библиотекаське изь иляда ширеса: 30-це январьста актовай залозонза пуроптозень сятнень, кие покодсь и покоди Анатолий Прохоровичень мархта, кие кельгсы и тонафнесы сонь сёрматфонц. Инжихнень ётксотольхть «Мокшень правда» газетать пря редактороц Иван Лушкин, «Мокша» журналть – Виктор Лобанов, Мордовиянь культурань, национальнай политикань, туризмань и архивонь тевонь министрать васенце полафтыец Александр Карьгин, и лия няевикс и содавикс ломаттне. Стане жа састь студентт и школаса тонафнихть, конат лувозь Анатолий Тяпаевонь стихотворениянзон рузонь и мокшень кяльса. Саранскяень 24-це номер школаса мокшень кялень тонафтысь Марина Мироновась морафтсь пялькс Анатолий Прохоровичень «Тядя» поэмастонза.  

        Лама лямбе вал тя мероприятияса кайгсь Анатолий Тяпаевонь колга. Сембонди сон содаф кода асу, пара вайме ломань. «Мокша» журналть пря редакторонц полафтыенц Татьяна Сенькинать валонзон коряс, аф ваномок кизонзон лангс, Анатолий Прохоровичень тячимс оржа ёнец. Сон фалу канни редакцияв од произведеният, конат рахафтыхть и аварьфтихть. Мала пингть Тяпаев срхкай нолдамс нинге фкя книга и ули мялец тонадомс компьютерса работама.

Тов

Другие новости

Варчизь виест библиотекарень тевсэ

А.С. Пушкин лемсэ библиотекасо ютась кенярксов промкс.  «Час самоуправления» - истя сон лемдязель. Тедеде 119 иеть тешксты те культурань ды ловнома таркань кужось. А пек кувака ...