Мордовиянь национальной радиось Мордовиянь национальнай радиось

Саранск:-1°

вечером: -2° завтра: 2°



Театратне сыргить гастрольс

 Иеде иес Россиянь седеяк ламо театрат явить мель «Большие гастроли» Весероссиянь программантень. 

 Саемга, тедеде карми 81 регион, 230 театрат, сынь невтить 1900 спектаклят! Покш гастрольтне ютыть Калининградсто саезь Владивостоконть видьс. Те программанть вельде ваныцятнень туртов ютыть вечкевикс актёртнэнь марто вастовомат, сынь несызь эрьва кодамо театратнень сехте вадря путовкстнэнь, од премьератнень. Спектаклятне алтавить кода покштненень, истя жо вишкинетненень. Минек республикась совась те программантень. МР-нь Някань государственной театрась сырги Удмуртияв. Тосо октябрянь 27-29-це читнестэ невтьсы М.Супонинэнь «Проделки Козы-Дерезы» спектаклянть. Мордовияв жо сы Марий Элэнь някань театрась, кона невтьсы А.Толстоень ды К.Коллодинь «Золотой ключик» ёвксонть. МР-нь Рузонь драмань театрась гастролев моли Дзержинск ошонь драмань театрав. Тосо сынст учить ноябрянь 17-19-це читнестэ. Минек театрась невти 4 путовкст: Г.Горинэнь «Поминальная молитва» ды «Забыть Герострата», О.Голдсмитэнь «Ночь ошибок», Р.Сефень ды Т.Карелинань «Тайна Бабы-Яги». Теке жо шкане Дзержинскоень драмань театрась сы Саранскоев. Инжетне невтить колмо комедият: В.Катаевень «Квадратная радуга», М.Камолеттинь «Ревнивец», Н.Эрдманонь «Самоубийца» ды Г.Соколовонь «Финист – Ясный сокол» ёвксонть.

Т.Маторкина

Тов

Другие новости

Тонеть, вечкевикс МГУ!

   В  Мордовском университете состоялся литературно-музыкальный вечер «В стихах и песнях воспеваю любимый университет!», посвящённый дню рождения университета, ...

«Эрзянь правдась» вити шумбрачинзэ

Теевсь уш паро коекс «Эрзянь правда» газетанть редакциясо ютавтнемс шумбрачинь паролгавтомань чить. Весе содыть, журналисттнэнь ды газетань теицятнень важодема таркаст столь ...