Мордовиянь национальной радиось Мордовиянь национальнай радиось

Саранск:30°

вечером: 20° завтра: 29°



АРТОВКСТНЭ ЭРЗЯНЬ КЕЛЬСЭ

Полавтовсь эрямось ды ней полавтовсть открыткань каземань лувтнеяк. Минь пек аламо карминек кучнеме сёрмат ды артовкст-каземкат почта вельде. Те тенек маряви пек стакакс. Седе шожда сёрмадомс СМСка, кучомс «цецинеть» эли «ламбамо тортке» социальной сеттнень вельде. Ялатеке улить истят ломанть, конатне вечкить каземе открыткат почта вельде, ды те лувонть лемезэ – «посткроссинг». Седе сеедьстэ неть ломантне кучнить открыткат а содавикс ломантнень туртов весе масторлангонть келес ды мейле учить, зярдо тенст истя жо кияк кучи «шумбракстнемань валт». Койсэнь, седе паро кучнемс артовкст-каземкат роднятнень-раськетнень туртов, малавикстнэнь, покштятнень-сырькайтнень туртов. Те сыненст карми алкуксонь кенярксокс, ды, пароль бу, те лувось вельмевель весе масторонть келес, теевель, кода кортыть, «модноекс» эли популярноекс. Истят жо мельть-арсемат чарыть-велить Саранск ошонь эрицянть Василий Паршуткинэнь превсэяк. Сон аволь ансяк теде арси, бажи топавтомс мелензэ. Василий арсесь кучнемс неень шкань технологиятнень коряс теезь мазый артовкст-каземкат малавиксэнзэ туртов эрзянь кельсэ. Цёранть ундоксонзо Покш Березник ёнксонь Госагыр велестэ, тосо чачсть-кассть тетязо-авазо. Василий чарькодьсы эрзянь келенть, машты кортамояк, ансяк аволь истя, кода бу тензэ эряволь. Меельце шкастонть ламо шка ютавты тиринь келень тонавтнеманть туртов. «Эрзянь кельсэ сёрмадовкс марто сувенирэнь тейнемань коряс мелесь тень сась умок. Икелев казнинь ялган-оян туртов симема чакшт Пургазонь чачонзо ды Сура леенть мазычинзэ марто. Ней, арсян, роднян-раськень туртов вечкевить тиринь кельсэ открыткатне, – ёвтни Василий Паршуткин. – Монь роботам сюлмавозь дизайнонть, полиграфиянть ды рекламанть марто, секскак арсемс истят открыткат, теемс макетт монь содамочинь улить. Артовкстнэнь лездась теемс Болгариясто вейке художница, сонензэ вечкевить эрзянь мифологиянь персонажтне, ды тейтересь артсь тень колмо ракшат: овтыне, сярдо ды ривезьке. Сынь сехте сеедьстэ вастневить эрзянь ёвкстнэсэ. Открыткатне лиссть мельстуицят, сёрмадынь лангозост «Од иенть марто!» ды ламо казинь эйстэст те Од иестэнть. Ней вана арсян теемс артовкст-каземкат чачома чис, Отечествань ванстыцянь ды Авань читненень. Аволь умок теинь мазый открытка Вечкицянь чинтень, лангсонзо сёрмадозь: «Мон тонь вечктян!». Ули мелем сёрмадомс паро арсемат артомкатнень лангс аволь ансяк эрзянь кельсэ – мокшонь кельсэяк». Тешкстасынек, Василий весе артовкстнэнь-каземкатнень эрзянь кельсэ тейни эсензэ ярмак лангс. Открыткатне нолдавить пек вадря конёв лангсо ды офсетэнь печатенть вельде, конась седе парсте невти тюсонть. «Бути уш мезеяк ушодат тееме, эряви теемс парсте», – корты Паршуткин. Монь койсэ, мелесь-арсемась пек паро. Кучомс ды каземс тиринь кельсэ сёрмадовкс марто артовкс малавикс ломантнень, роднятнень-раськетнень, ялгатнень-оятнень туртов – лувось кенярдовтыця. Учан, паряк, шкань ютазь монгак почтань ящикстэ тарган истямо казне лембе тиринь вал марто!

 

М.ДЕВЯТОВА

«Эрзянь правда»

Тов

Другие статьи

Печать Мордовии в контексте событий 30-х годов

  Жизнь мордовского народа в 1930-е гг. ознаменовалась крупными успехами в экономическом и культурном развитии. В условиях строительства социализма выросли национальные кадры писателей, артистов, художников, скульпторов и композиторов. ...

Печать Мордовии накануне и в период Великой Отечественной войны

  ПИСАТЕЛИ МОРДОВИИ НА ФРОНТАХ ВЕЛИКОЙ ОТЕЧЕСТВЕННОЙ ВОЙНЫ             В начале Великой Отечественной войны свыше одной тысячи писателей нашей страны ушли на фронт и ...